पंढरपूर- कराड रोडवर कटफळ येथे भीषण अपघात; 5 महिला जागीच ठार, 3 गंभीर जखमी, मयताच्या वारसांना आमदार शहाजी पाटील यांचे कडून प्रत्येकी 50 हजार रुपये जाहीर
तानाजी रंगनाथ जाधव 
------------------------------------------------------------------------------------
पंढरपूर( दै.पंढरी नगरी न्यूज ) पंढरपूर- कराड महामार्गावरील कटफळ येथे चौकात गावाकडे जाणाऱ्या पाच महिलांना समोरून येणाऱ्या ट्रकने जोरदार ठोकल्याने ट्रकच्या धडकेने भीषण अपघात झाला. भरधाव वेगाने येणाऱ्या ट्रकने रस्त्याच्या कडेला उभ्या असलेल्या महिलांना धडक दिली. पंढरपूर -कराड रोडवरील कटफळ येथे हा भीषण अपघात झाला. यामध्ये पाच महिलांचा जागीच मृत्यू आहेत. तर तीन महिला गंभीर जखमी झाल्या आहेत. जखमी महिलांना उपचारासाठी पंढरपूरला शिफ्ट कऱण्यात आलेय. दरम्यान, अपघाताची माहिती मिळताच पोलीस निरीक्षक भीमराव खणदाळे, पोलीस फौजफाट्यासह घटनास्थळी दाखल झाले आहेत. ग्रामस्थांनी ट्रक चालकास पकडून पोलिसांच्या स्वाधीन केले.
अपघाताची माहिती मिळताच पोलिसांनी घटनास्थळी धाव घेतली. प्राथमिक माहितीनुसार, चालकाचे ट्रकवरील नियंत्रण सुटल्यामुळे हा अपघात झाल्याचं समोर आलेय.
मिळालेल्या माहितीनुसार, अपघातील मृत आणि जखमी महिला सांगोल्यातील कटफळ येथील रहिवासी आहेत. या महिला मोलमजुरीचे काम करण्यासाठी चिकमहूद येथील शेतकऱ्यांच्या शेतावर गेल्या होत्या. काम संपल्यानंतर दुपारी घरी जाण्यासाठी त्या पंढरपूर - कराड रोडवर एसटीची वाट पाहत थांबल्या होत्या. त्याचवेळी पंढरपूरकडून भरधाव जाणाऱ्या ट्रकने त्यांना उडवले. आज दुपारी चार वाजता हा भीषण अपघात झाला. आयशर ड्रायव्हरचे वाहनावरील नियंत्रण सुटल्याने त्याने थेट या सातही महिलांना चिरडले. या सर्व महीला या कटफळ येथील रहिवासी आहेत. याबाबत ट्रक चालका विरोधात अपघात झाल्याची नोंद सांगोला पोलीस स्टेशनला अद्यापपर्यंत झाली नसल्याचे समजते.
